Միգրենից կարող է փրկել ակնոցը. 1in.am

Լույսի նկատմամբ զգայունությունը կամ լուսավախությունը միգրենի հայտնի ախտանիշներից է, սակայն շատերը չգիտեն, որ հենց լույսը և գույնը կարող են դառնալ միգրենի նոպայի պատճառ:

Միչիգանի համալսարանի գիտնականները հայտնաբերել են, որ որոշ մարդկանց մոտ միգրեն կարող է զարգանալ սպիտակ ֆոնի վրա սև տառերի տեսքից, գծավոր վերնաշապիկից կամ շարժասանդուղքի աստիճաններից:

Պատճառն այն է, որ միգրենով տառապող մարդիկ ունեն «գերգրգռվող» ուղեղ: Երբ սկսվում է միգրենի նոպան, ուղեղը մասամբ անջատվում է կամ դառնում պակաս ակտիվ՝ առաջացնելով այնպիսի ախտանիշներ, ինչպիսիք են գիտակցության շփոթահարությունը, անհրաժեշտ բառերի որոնումը և հոգնածությունը:

Հիվանդի վիճակը կարող են թեթևացնել գունավոր լինզաները՝ հայտնաբերել են Էսեքսի համալսարանում:

Փորձի մասնակիցների 70%-ը գունավոր լինզա օգտագործելու ժամանակ հայտնել է վիճակի թեթևացման մասին, ընդ որում, ցանկացած գույնի դեպքում, սակայն ավելի շատ թեթևություն են բերել կապույտ ապակիներով ակնոցները՝ նկատել են գիտնականները:

Հարցեր, պատասխաններ, մեկնաբանություններ